మెట్ట వేదాంతమింక మాటాడను
అద్వైత సూత్రాలు వల్లించను
కడకొసగే కైవల్యం నాకెందుకు
కడగండ్లలోనేడు ముంచుడెందుకు
గట్టెక్కించు నన్ను గరుడ వాహన
గండాలు దాటించు చక్రధారి శ్రీరమణ
1.పరుగులు పెట్టే నన్ను కుంటివాణి చేసావు
వాదనతో జయించువాణ్ణి మూగని చేసావు
అన్నపానాదులు అడగకుండ చేసావు
నా అన్నవాళ్ళకూ దుఃఖం మిగిలించావు
ఇంకా ఏం మిగిలుంది నీ కఠిన పరీక్షకు
అంతూ పంతుందా నువు వేసిన శిక్షకు
2.మెగ్గ విచ్చుకునే వేళ నిర్దయగా నలిపావు
భవష్యత్తు మూటగట్టి గంగలోన కలిపావు
ఎంతసేపు మంచిజేయ నువ్వు తలుచుకుంటే
క్షణంలోనే తెరిపికలుగు నీకు కరుణ కలిగెనంటె
దయలేదా కలివరదా స్వామీ ధన్వంతరి
నలత కలత పరిమార్చర తిరుమల శ్రీహరి
No comments:
Post a Comment