రచన,స్వరకల్పన&గానం:డా.రాఖీ
ఊహ ఎంత మధురము
స్వప్నమే సంతోషకరము
అంతులేని స్వేచ్ఛాకాశానా
ఆనందంగా విహరించవశము
కల్పనా ప్రేయసితోను
పదే పదే విరహించతరము
కలహించతరము కౌగిలించుకొనువరము
1.కీలు గుర్రమెక్కి ప్రియురాలితో
సప్త సాగరాలు లిప్త పాటులో దాటవచ్చు
చెలి మేను మాణిక్యవీణను
మంజుల నిక్వణ మొలుకగ మీటవచ్చు
ఆకలి దప్పుల ప్రసక్తే లేక
ఏ ఇతరాసక్తీ లేక మనోహరితొ సల్లాప మాడవచ్చు
2.చేజారిన ప్రియసఖినీ చేరదీయవచ్చు
కోహినూరు వజ్రాన్నీ కానుక ఈయవచ్చు
భవ్యంగా రమ్యంగా నవ్యంగా జీవించవచ్చు
సవ్యంగా దివ్యంగా హృద్యంగా భావించవచ్చు
కాలమున్నంత కాలం కాపురం చేయవచ్చు
కలలే చెదరనంత సమయం కలిసిఉండవచ్చు
No comments:
Post a Comment