రచన,స్వరకల్పన&గానం:డా.రాఖీ
అందరికీ అభిమాన దేవతవు
ఎల్లరకూ నువు యోగమాతవు
నీవలన మాకు చెప్పలేని గౌరవం
మావద్ద నీవుంటే బ్రతుకంతా ధైర్యం
ధనలక్ష్మీ మాపై దయగనవే ఎప్పుడు
నినదించనీ మాయింట ఘల్ ఘల్లను నీ గజ్జెల చప్పుడు
1.కుబేరుడైనా సరే నీకు దాసుడు
నీవులేక మనగలడా మా శ్రీనివాసుడు
పద్మపత్రాయతాక్షి పద్మావతి అవతారిణి
కొల్హాపూరు లోన విలసిల్లే సంపద సామ్రాజ్ఞి
2.నీ కనుసన్నలలోనే కదలాడును ప్రపంచం
నిర్లక్ష్యం చేసామంటే కలనైనా నినుకాంచం
కాంచనము ద్రవ్యము మాగాణము నీవుగా భావిస్తాం
కుల మత ప్రాంతాలేవైనా నిను మాత్రం పూజిస్తాం
No comments:
Post a Comment