రచన,స్వరకల్పన&గానం:డా.రాఖీ
ఎంత చక్కనమ్మ ఈ చిట్టి గుమ్మ
ఏ పోలికకూ చిక్కనిదోయమ్మ
ఎంతగ ముద్దొస్తోందో ఈ జిలుగు చుక్క
పెట్టరో అమ్మలాల తన బుగ్గన దిష్టిచుక్క
1.తీరైన పొడవాటి పూలజడ
మెడలో మేలిమి ముత్యాల దండ
పట్టుపరికిణీకే సోకు ఈ పసిడికొండ
అద్దమే మెచ్చి అందానికి సాగిల పడ
2.పాపిటి బిళ్ళే చేస్తోంది గారళ్ళు
చారెడేసి కళ్ళు పున్నమి జాబిళ్ళు
ముక్కున ముక్కెరతో చూపెలా మళ్ళు
నవ్వీనవ్వని పెదవుల మురిపాలు తుళ్ళు
No comments:
Post a Comment