అతివృష్టి అనావృష్టి ఏదైనా నీ సృష్టి
శీతకన్నువేసిందా మాపై శివా నీ దృష్టి
దుందుడుకు వరుణుడిని చేయవేమి కట్టడి
క్రమబద్ధత నెలకొల్పి కరుణజూపు పదపడి
1.అమర్ నాథ్ కేదార్ నాథ్ క్రేత్రాలలో వరదల విలయం
దర్శించగ నేరమా హర హరా
నీ పావన నిలయం
అతలాకుతలమాయే భక్తజనుల సముదాయం
ఇడుములు ఇక్కట్లా నిను నమ్మితే ఇదేమి న్యాయం
2.నింగికి చిల్లుబడిన చందాన కుండపోతగా ఉధృత వర్షం
దిక్కూ దెస తెలియకా పిల్లలూ వృద్ధుల వ్యధాభరిత దైన్యం
మరణాలతొ అనాథలై అమాయకుల బ్రతుకులు శూన్యం
గంగాధరా కురిపించు అభాగ్యులందు అపారమౌ హర్షం
No comments:
Post a Comment