రచన,స్వరకల్పన&గానం:డా.రాఖీ
తిరిగి చూసుకుంటే-చిత్రమైన పరిచయం
ఏ విధి పెనవేసెనో-మన పవిత్ర స్నేహం
ఎడారిలో దొరికింది-అమృత మైత్రి కలశం
మండుటెండలో నేస్తం-మలయ సమీరం
1.కలిసిన అభిరుచులే పెంచెను అభిమానము
వెతలో కలతలో మనకు చెలిమె సాంత్వనము
వెన్నుతట్టి ప్రోత్సహించు అతులితమౌ ప్రేరణము
కన్నుకు రెప్పలాగా నిరతము కాపెట్టే సాధనము
2.రంగు రూపు ఏదైనా మనసుల సాంగత్యము
ఆడా మగయన్నదేది కాదొక అవరోధము
ధనిక పేద భావనలకు తావీయదు ఆభిజాత్యము
పరస్పరం అనుక్షణం హృదయాంతర ప్రియత్వము
No comments:
Post a Comment