https://youtu.be/toshHSrZAPY

రచన,స్వరకల్పన&గానం:డా.రాఖీ

ఉసిగొలుపుతున్నాయి నీ మేని మిసమిసలు

కసిపెంచుతున్నాయి నీ వొంటి పదనిసలు

పసివాడినే ప్రేయసీ మసిచేయకే ముసిముసిగ నవ్వేసి

వసివాడి పోయానే నిన్నే చూసి చూసి చూసి కళ్ళే తేలేసి

1.రసాభాస కానీకు నువు చేసిన బాసలన్నీ

గాలిమేడలవనీకు నీవాడిన ఊసులన్నీ

ఊసూరంటూ ఉన్నానే ఊరించకు ఇక నన్ను

ఉప్పెనయై ఎగసే కెరటం వారించకు నా తపనను

2.మూలకున్నవాడిని ముగ్గులోకి దింపావు

వలపులన్ని రంగరించి మనసుమీద వంపావు

పద్మవ్యూవ యుద్ధరచనలో అభిమన్యుడ నేను

సంసిద్ధమై దూకానంటే వెన్నుచూపి మనలేను