రచన,స్వరకల్పన&గానం:డా.గొల్లపెల్లి రాంకిషన్ రాఖీ

హేమంత సాయంకాలమైంది

గిలి పెడుతూ చలి చంపుతోంది

సొగసైన ప్రేయసి సన్నిధిని మది కోరుతోంది

చెలి కౌగిలిలో నులివెచ్చగా  కరగాలనుంది

1.చామంతులు పూబంతులు వంత పాడాయి

కొంటెగా కంటిముందే పావురాలు జత కూడాయి

ఒంటిని కొరికే ఈదురు గాలితోనే  నాకు లడాయి

తొలి రాతిరి తీపి గురుతులూ ఎదనెంతో తోడాయి

2.అరవిరిసిన సిరిమల్లెలన్నీ మాలగ మారాయి

మరులను రేపుతు చెలి జడ పాయలొ దూరాయి

ఘుమఘుమలతొ రిమరిమలేపుతు సవాలు విసిరాయి

జాగు చేయుచూ జాము గడపకని ప్రేమతొ కసిరాయి