https://youtu.be/Pty64HNVDrk?si=iIL0ggDSHH3UVS1R

 రచన,స్వరకల్పన&గానం:డా.గొల్లపెల్లి రాంకిషన్ రాఖీ

ప్రేమగా పలకరించు

చెలిమి చిగురించు

చిరునవ్వును పంచు

బంధాలు మించు

ఈ క్షణమే మనదని తలచి

మమతనందించు హాయిగా జీవించు

1.కొండనే తాకిన మబ్బు

గుండె కరిగి కురియునుగా

పూవుపై వాలిన తుమ్మెద

తేనె గ్రోలి మురియునుగా

చరాచరమేదైనా అలంబన కోరుగా

మనసుతో మనసును ముడివేయి నేరుగా

2.కడలిలో కలవాలని 

నది మదికి ఎంతో తొందర

కలువను కలువాలని

జాబిలికి తరగని ఆతురత

కలవరమయ్యేను సంగమించునందాక

కల వరమై తరిస్తుంది తలపోసినదందాక