రచన,స్వరకల్పన&గానం:గొల్లపెల్లి రాంకిషన్ రాఖీ
పూర్వజన్మ సుకృత వరమే పురందరదాసుది
అపూర్వ తపఃఫలంబే ఆ అన్నమాచార్యునిది
సర్వస్య శరణాగతి ప్రతిఫలమే త్యాగరాజుది
ఏ వ్రత ఫలితమ్మో తరిగొండ వెంగమాంబది
మధురమైన గళముతో తిరుమలేశుని నుతించిరి సంప్రీతి
గాత్రమే గరళమై గానమునకు దూరమై వేంకటేశ ఏల నాకీ దుర్గతి
1.ప్రయాసలెన్ని పడినానో పాట పాటవానికై
ప్రయత్నమెంత చేసానో గానమాధురి కొరకై
జన్మతః శాపమే కంఠమందు మార్ధవమే కరువై
జన్యులోపమే నా గొంతులోన కర్కశమే కొలువై
గాత్రమే గరళమై గానమునకు దూరమై వేంకటేశ ఏల నాకీ దుర్గతి
2.విధేయుడినై నుడివితి నా కృతులు పాడమని
ప్రాధేయ పడితిని పదేపదే గాయనీ గాయకులని
కనిపించినవారినల్ల అడిగితిని పాడుదురాయని
కన్నీటితొ వేడితిని స్వామీ నాకు గొంతీయగలేదని
గాత్రమే గరళమై గానమునకు దూరమై వేంకటేశ ఏల నాకీ దుర్గతి
No comments:
Post a Comment