రచన,స్వరకల్పన&గానం:డా.రాఖీ
రాగం:రేవతి
గానము రమణీయము
గానము కమనీయము
గానమెపుడు శ్రవణపేయము
గానమే అమృత పానీయము
సంగీతజ్ఞులకు అనుభవైకవేద్యము
1.గానమనగ సామవేదము
గానము ఓంకార నాదము
గానము సప్తస్వర సంభవము
గానము సరస హృదయ రవము
రసపిపాసులచే ప్రశంసనీయము
2.శిశుర్వేత్తి పశుర్వేత్తి గానము
సర్వరోగ ఔషధము గానము
నారద తుంబురు ప్రియగానము
ప్రాణప్రదమే సర్వదా నాకు గానము
మనసా వచసా శిరసా మాననీయము
No comments:
Post a Comment