https://youtu.be/scsIp8tYT0g?si=v1WS2n6vptgHzH0E

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:హిందోళం

విష్వక్సేనా నమో విష్ణు సేనా ప్రముఖా
ప్రథమ పూజితా ప్రభో కరిరాజ ముఖా
విఘ్నాలను తొలగించే విశిష్ఠ దైవమా
వినమ్ర ప్రణామాల నందిమాకు విజయమొసగుమా

1.నిత్యము లక్ష్మీ నారాయణుల నర్చింతువు
అహోరాత్రాలు శ్రీహరిసేవకొరకె అర్పింతువు
ముల్లోక పాలన దీక్షా దక్షునిగా ప్రవర్తింతువు
విష్ణుదూతవై భక్తుల వైకుంఠము చేర్పింతువు

2.విశిష్టాద్వైత మందునీది విశిష్ట స్థానమే
పాంచరాత్ర పద్ధతిలో నీకు ప్రాథమ్యమే
అంగుళిముద్రతో సురలను కట్టడి చేసేవు
సూత్రవతి ప్రియసతి నియతిగ మము కాచేవు