రచన,స్వరకల్పన&గానం:డా.గొల్లపెల్లి రాంకిషన్ రాఖీ
రాగం:తోడి
నమో నమో నమో హయగ్రీవా
నమో జ్ఞానదాయకా దేవ దేవా
మేథో దీప ఉద్దీపకా విజయ లక్ష్మీధవా
పాహిమాం పరిపాలయమాం కారణ సంభవా
1.శ్రావణ పూర్ణిమ పావనమైన నీ జయంతి
నీకు నాల్గు వేదాలు కాచితివను ప్రఖ్యాతి
చేసితివి అశ్వరూప దనుజుని నిహతి
బుద్ధిమాంద్య వ్యాధుల నివారణకు నీవే గతి
2.విష్ణువు అవతారమై వరలుతున్నావు
విశేషించి విద్యల నొసగే అది దేవతవు
విమలమతుల మము జేయగ వరమీయి స్వామి
నిరతము ఇక నిను దలతుము భో ప్రభో ప్రణతోస్మి
No comments:
Post a Comment