౹౹భారతీయ జనతా పార్టీ॥

భారతీయ జనతా పార్టీ
జగతిలోన దీనికేది లేనెలేదు సాటి
విలువలు కలిగిన విలువైన పార్టీ
భారతీయ ధర్మానికి వెన్నుదన్నైన పార్టి౹౹భారతీయ జనతా పార్టీ॥

1.హైందవ తత్వాన్ని ఆకళింపు చేసుకొంది
సాంప్రదాయ సంస్కృతులను చంకనెత్తుకొన్నది
భరతమాత కీర్తి దిశల చాటిచెప్పుతున్నది
భరతఖ్యాతి తరతరాల ఇనుమడింపజేస్తన్నది౹౹భారతీయ జనతా పార్టీ॥

2.సంఘపరివార్ తో సఖ్యత కలిగున్నది
లౌకికవాదానికీ రాచబాట వేస్తున్నది
బడుగు బలహీనుల మన్ననలనుగొన్నది
ప్రపంచాన అతిపెద్ద పార్టీగా బలపడ్డది౹౹భారతీయ జనతా పార్టీ॥

3.సకలజనుల సుఖశాంతులె ఏకైక సిధ్ధాంతము
జాతీయ పరిరక్షణ తన వాదము
సనాతన అధునాతన మేళనమే సూత్రము
నీతి సహిత పాలన రామరాజ్యస్థాపనే ధ్యేయము౹౹భారతీయ జనతా పార్టీ॥

4.వాజ్పేయి సారథిగా వన్నెలద్దుకొన్నది
కాషాయ వర్ణంతో కదంతొక్కుతున్నది
కమలమే చిహ్నమై కాంతులీనుతున్నది
మన మోడీ ఒరవడితో వాడి పెంచుకున్నది
వాసికెక్కుతున్నది౹౹భారతీయ జనతా పార్టీ॥

జానపదమా నీకు నీరాజనం

జానపదమా నీకు నీరాజనం
పల్లె పదమా పాదాభి వందనం
అలుపెరుగని శ్రమకు నీవు ఆలంబన
మమేకమయే కృషికి నీవేలే ఆసరా

1)మైమరపే శృతినీకు
ఏకాగ్రతె లయ నీకు
ఉరిమే ఉత్సాహమే
సంగీతము నీ పథముకు
అనుభవాలు అనుభూతులు
నీ సాహితి సొబగులు
కలలూ ఊహలూ
నీ గీతికి వస్తువులు||జానపదమా||

2) చేతిలోని పనిముట్లే
దరువుకు ఆదరువులు
పెదవులపై ఉల్లాసపు
ఈలలే వేణువులు
వంతపాడు గొంతులే
నీకు వాద్య బృందాలు
ఆశువుగా పుట్టిన శిశువా
నీ తోబుట్టులె ఆనందాలు||జానపదమా||

భారత మాత – భాగ్య విధాత

భారత మాత – భాగ్య విధాత

||రాఖీ||భారత మాత – భాగ్య విధాత

మముగన్న మా తల్లి –జన కల్పవల్లి
మా భరత మాత-సౌభాగ్యధాత
భారత మాతా –భాగ్య విధాతా

1. అసోం నుండి గుజరాత్ వరకు
  కాశ్మీరాదిగ కన్యాకుమారికీ
విలసిల్లు దేశమా నీకు మా వందనం
మా మాతృదేశమా పాదాభి వందనం

2. మహిమోన్నత హిమాలయాలు
పావన గంగా యమునా నదులు
అలరారు దేశమా నీకు మా వందనం
మా మాతృదేశమా పాదాభి వందనం

3. మూడు దిశలలో కడలి జలాలు
తనువున వనములు మైదానములు
రాజిల్లు దేశమా నీకు మా వందనం
మా మాతృదేశమా పాదాభి వందనం

4. ఉగ్గుపాలతో వీర గాధలు
చిన్న నాటనే జ్ఞాన బోధలు
నూరిపోసినా జననీ నీకు మా వందనం
మా మాతృదేశమా పాదాభి వందనం

5. భిన్నత్వం లో నిజ ఏకత్వం
జగమే మెచ్చే లౌకిక తత్వం
చారిత్రిక దేశమా నీకు మా వందనం
మా మాతృదేశమా పాదాభి వందనం

http://www.4shared.com/mp3/7ls4_Fl0ba/MAMUGANNA_MAA_TALLI.html

ఓ అర్ధాంగీ

తిరిగే గానుగలో నలిగే చెరుకు గడవో
మరిగే పాలమీద కట్టిన మీగడవో
ఓ అర్ధాంగీ ..,నిన్నర్ధం చేసుకొనగ నా తరమా
ఓ సంపంగీ ..నినువీడి క్షణమైన మనగలనా

1. పనితో అలసినా-చెరగదు చిరునవ్వు
నలతగ నీకున్నా –నలగదు నీ మోముపువ్వు
శిరోవేదనే నరక యాతనౌతున్నా
మనోవేదనే గుండెను మెలిపెడుతున్నా
తబడదెప్పుడూ నీ అడుగు
కనబడ దెప్పుడునీ కన్నీటి మడుగు

ఓ అర్ధాంగీ ..,నిన్నర్ధం చేసుకొనగ నా తరమా
ఓ సంపంగీ ..నినువీడి క్షణమైన మనగలనా

2. ఆశలు ఆదిలోనె-అణగారిపోతున్నా
ఊహలు తృటిలోనె-చేజారిపోతున్నా
కాదెప్పుడు బ్రతుకు నీకు ప్రశ్నార్థకం
ఇల్లాలిగ నీపాత్ర అయ్యింది సార్థకం
బంధువర్గాన నీకు-అభినందన చందనాలు
మిత్రబృందాన నీకు-అభిమాన బంధనాలు

ఓ అర్ధాంగీ ..,నిన్నర్ధం చేసుకొనగ నా తరమా
ఓ సంపంగీ ..నినువీడి క్షణమైన మనగలనా

తెలంగాణ- నింగిలోన ఎగురుతున్న నవ కేతనమా..

మరల మరల మరపు రాని అనుభూతుల పునఃశ్చరణ ...!
తెలంగాణ షహీద్ ల త్యాగాల సంస్మరణ...!!
“తెలంగాణ(ఆవిర్)భావ గీతం “రాఖీ -02-06-2014

నింగిలోన ఎగురుతున్న నవ కేతనమా..ఓ జయ కేతనమా..!!
తెలంగాణ జనుల స్వప్న సాకార చిహ్నమా...
ఉద్యమాల గర్భాన ఊపిరులూని
(పునర్) ఉద్భవి౦చినావమ్మా తెలంగాణ రాష్ట్రమా
“జయహో జయహో జయ తెలంగాణమా
స్వేఛ్చా స్వాభిమాన సకల జనుల ప్రాణమా”

1. నీదైన నాగరికత నీదైన భావుకత
నీ సంస్కృతి నీ సభ్యత నీదైన నడత
తెలంగాణ పేరులోనే ఒళ్ళంతా పులకరింత
తెలంగాణ తలపులోనే కన్నుల చెమరింత
“జయహో జయహో జయ తెలంగాణమా
స్వేఛ్చా స్వాభిమాన సకల జనుల ప్రాణమా”

2. శాతవాహన కాకతీయ సామ్రాజ్య వైభవమా
కులీకుత్బ్ షాహి వంశ గోల్కొండ ప్రాభవమా
గుండె చార్మినార్ నీకు అండ కాకతీ ద్వారము
నిండుగ వెలుగొందు తల్లి కొలుతుము ప్రణమిల్లి
“జయహో జయహో జయ తెలంగాణమా
స్వేఛ్చా స్వాభిమాన సకల జనుల ప్రాణమా”

3. కంటి ఊటలాగిపోయి- పంట కాల్వ పారాలి
“ఆకలే “ చల్లార్చే -నూకలే పండాలి
బడుగులంత బంగారు బతుకమ్మ లాడాలి
ఆ’కలే ‘ నెరవేర్చే రూకలే నిండాలి..
“జయహో జయహో జయ తెలంగాణమా
స్వేఛ్చా స్వాభిమాన సకల జనుల ప్రాణమా”

4. బలిదానాలు నీకు పరిపాటే అనాదిగా
పునరుజ్జీవనమే చేసుకో పునాదిగా
చేయి చేయి కలుపుతూ గెలుపు తలుపు తట్టాలి
తెలంగాణ ఖ్యాతిగని హారతులే
పట్టాలి ...జగతి జేజేలు కొట్టాలి...

“జయహో జయహో జయ తెలంగాణమా
స్వేఛ్చా స్వాభిమాన సకల జనుల ప్రాణమా”
http://www.4shared.com/mp3/WPnWwuM7ce/RAKI-JAYAHO_TELANGANAMA.html

మైత్రీ బంధము

03-08-2014-మైత్రీ దినోత్సవ శుభాభినందనలతో...రాఖీ-9849693324.

మైత్రీ బంధము -మానవతకె అందము

ఒకరికొరకు ఒకరైన చందము

ప్రతి జ్ఞాపకం ప్రతి అనుభవం పరమానందము

1.   రాముడు సుగ్రీవుడు రాచబాట వేసినారు

కృష్ణుడూ కుచేలుడూ అంతరాలు మరచినారు

సుయోధనుడు కర్ణుడు ఒకే ఆత్మ అయినారు

స్నేహితమే మహితమని చరితార్థులైనారు

2.   తెలిసీ తెలియని పసితనాన  సోపతి

ఎదిగే వయసులోన ఎల్లలెరుగనీ చెలిమి

బాంధవ్యాల కన్న మిన్న యైనదే స్నేహము

వేదనలో మోదములో స్మృతి మెదులును నేస్తము

3.   ఆర్థిక గణాంకాలు కొలవలేని పెన్నిధి

జాతిప్రాంత కులమతాల కతీతమీ సన్నిధి

రూపురేఖ లెంచనీ విలువైన దోస్తీ ఇది

ఎంతమంది ఎక్కినా మునగని షిప్పిది - ప్రెండ్ షిప్ ఇది

Ok

https://youtu.be/-LrdRl751mw?si=O8krPd1uZTrK45wD

హృదయాన్ని వెలిగించి ఇస్తున్నా హారతి

ప్రియమారగ గైకొనుమా కొండగట్టు మారుతి

లేరయ్యా  వేరేవరూ నినువినా మాకుగతి

కరుణించి మము జేర్చుము కైవల్య పద గతి

1.      1. పిలువగనే బదులిచ్చే-పరమ దయాళువే నీవు

కోరగానే వరమిచ్చే –కల్ప వృక్షమే నీవు

సంజీవని గొని తెచ్చిన –ప్రాణదాతవే నీవు

సీతమ్మ జాడను తెలిపినా-రామ దూతవేనీవు

లేరయ్యా  వేరేవరరూ నినువినా మాగతి

కరుణించి మము జేర్చు కైవల్య పదగతి

2.      2 గ్రహ పీడలు పరిమార్చగ-అనుగ్రహము కోరుకొంటి

సంకటముల నెడబాపగ-నీవే ఇక శరణంటి

వాక్సుద్ధి నీయమని-వాగధీశ నిను వేడితి

గాత్ర శుద్ధి కలుగజేయ-నీ పదముల తలనిడితి

లేరయ్యా  వేరేవరరూ నినువినా మాగతి

కరుణించి మము జేర్చు కైవల్య పదగతి

3.       3.చాంచల్యము తొలగించు-స్వామీ ఓ జితేంద్రియా

ఆత్మ స్థైర్యమే పెంచు-స్వామి భక్తి పరాయణా

అడుగడుగున మము నడిపే మార్గదర్శి వేనీవు

ఆయురారోగ్యాలను ఇచ్చేటి చిరంజీవుడవు

లేరయ్యా  వేరేవరరూ నినువినా మాగతి

కరుణించి మము జేర్చు కైవల్య పదగతి

https://youtu.be/ZwZIaCTY07Q?si=ByQqyaVMafUqlAVn

రచన,స్వరకల్పన&గానం:డా.గొల్లపెల్లి రాంకిషన్ రాఖీ

“కళ్యాణ గీతం “

రాగం:ఆనంద భైరవి

దిగివచ్చిరి  దేవతలూ ఆత్మీయంగా
వధూవరుల మనసారా  దీవించంగా
కనీవినీ ఎరుగన౦త వైభవోపేతంగా
జరిగె ఈ పరిణయం  కమనీయంగా

జనులుమెచ్చెడి ఈడూ జోడైనఈజంట
బంధుమిత్రులందరికీ కన్నుల పంట

1.విశ్వకర్మ విస్తుపోయె మండపాన్ని నిర్మించ
రతీదేవి మతిపోయేలా పన్నీరు చిలరింప
కుబేరుడే ఆప్తుడిగా పెండ్లి పనులు నిర్వహించ
సాక్షాత్తు లక్ష్మీదేవి సాదరంగా ఆహ్వానించ

        కనీవినీ ఎరుగన౦త వైభవోపేతంగా
        అనువైన మనువుఎంతొ మనోహరంగా

2.విధాతయే విధివిధాన లగ్న క్రతువు జరిపించ
వశిష్టుడే మంగళాష్ట కాలెన్నో పఠియి౦చ
సరస్వతీదేవియే సంగీత లహరి నోలలాడించ
అన్నపూర్ణమ్మనే కమ్మగా వండీ వడ్డించ

మంత్రాక్షరాలే అక్షతలై కురియ౦గా
తిలకించిన  నయనాలే  తాదాత్మ్యంగా

3.రాధా కృష్ణుల అనురాగ రస ఝరియై
సీతారాముల అన్యోన్య కాపురమై
శివపార్వతుల అర్ధ నారీశ్వర వివరమై
వర్దిల్లనీ వధూవరుల దాంపత్యం వరమై

శ్రుతిలయ లయమై భజంత్రీలు మ్రోగంగా
శుభకరమౌ వివాహం శ్రవణపేయంగా

4.అత్తింటికి వెలుగిస్తూ అనూష దీపికగా
ఆడపడచులందరికీ తలలో నాలుకగా
సిద్దీశ్ మది నెరిగి చేదోడు వాదోడుగా
ఖ్యాతి పొంది మా గారాలపట్టి  పుట్టింటికీ పేరు తేగ

        కనీవినీ ఎరుగన౦త వైభవోపేతంగా
        జరిగెఈ  కల్యాణం ఆహ్లాదకరంగా

ఆనందో బ్రహ్మకు –శబ్దాంజలి

ఆనందో బ్రహ్మకు –శబ్దాంజలి ! హాస్య స్రష్ట కు శ్రద్దాంజలి !! రాఖీ-9849693324

సాకి:

పేలిన FUN BOMB వు-హ్యూమరసపు గంగ వు

వార్తల డింగ్ డాంగ్ వు-COMEDY కి కింగ్ వు

పల్లవి:

రాలిన ధ్రువతారవు-నవ్వుల నటరాజువు

కడిగిన ముత్యానివి-కరిగిన స్వప్నానివి

ఓ /మా ధర్మవరపు సుబ్రహ్మణ్యం గారు-హాస్యరసం/అబిమానులు/చిత్రసీమ/ చేసుకున్న పుణ్యం మీరు

అనుక్షణం ఆనందో బ్రహ్మైన తీరు-గడిపిన మీ జీవనం ధన్యం మాష్టారు

1.      స్వచ్చమైన హాస్యానికి మీరేలే మచ్చుతునక

తోకలేనిపిట్ట సినిమా దర్శక

చతురోక్తులు విసురుటలో మీదేలే ఘనత

సృష్టించారు మీదైన ముద్రతో చరిత

చిరునవ్వుల వసంతం - సదా మీకు సొంతం

వినోదాలె పంచారు మీ జీవితాంతం

మీతరహా అభినయం-చిత్ర జగతిలో శూన్యం

చెప్పినారు వెకిలి లేని హాస్యానికి bhaasభాష్యం

ఓ /మా ధర్మవరపు సుబ్రహ్మణ్యం గారు-హాస్యావని మీ శైలి అనన్యం సారూ

టీవీ నాటక సినిమా రంగాలు-అర్పించెను తలవంచి మీ నటనకు జోహారు

2.      కొమ్మినేని వారి పాలెం మీ జన్మస్థలం

ఇంటిపేరు ధర్మవరం-మీరు అమ్మా నాన్న  తప:ఫలం

షట్కర్మాచారిణి  మీ ధర్మపత్ని కృష్ణజ

మీ  కీర్తి వారసులు  రోహన్ రవి   బ్రహ్మతేజ

ఆడపిల్లలంత  మీకు అభిమాన పాత్రులు

కవులు మాత్రమే కాదు -మీరు  మధుర గాత్రులు

వంచనే.... ఎరుగనిమంచి -రాజకీయ వేత్తవు

సాటి నటులు కొనియాడే ధీరోదాత్తుడవు

ధర్మవరపు సుబ్రహ్మణ్యం గారు - మూర్తీభవించిన కారుణ్యం మీరు

ధర్మవరపు సుబ్రహ్మణ్యం గారు – పోతపోసిన  గాంభీర్యం మీరు

నవ్వూ నువ్వూ-నువ్వు నవ్వించే నవ్వు-ఆచంద్ర తారార్కం ఆనందాలు రువ్వు

OK

https://youtu.be/OTQx7qUC1KY

రాఖీ||ఓం గం గణపతయే నమః||

అగజ తనయ –ఆది దేవా

ఇంద్రాది వందిత-ఈశ్వర నందన

ఉత్తమోత్తమ -ఊహా జనిత

ఋషి ముని వినుత ఋణ విమోచక...నమో నమః

1.       ఎలుక వాహన -ఏనుగు వదన

ఐహిక మోహ పాశ ఖండిత

ఒకడవు నీవే ఓ వికట రూప

 అజ్ఞాన రుగ్మతకు ఔషధమీవే

అంబా ప్రియహే నమో నమః

2.ఏక దంత –ద్వైమాతురా

త్రిగుణాతీత -త్రిలోక పూజిత

చతుర్వేద పరిపూర్ణ స్వరూపా

పంచేంద్రియ జయ హే పంచామృత ప్రియ

అగణిత గుణగణ గణ నాథ విఘ్నేశ

3.షడ్వర్గ అరి హర-సప్తవ్యసన దూర

అష్ట సిద్ది ప్రద అష్ట వినాయక

నవ రాత్ర్యోత్సవ నవనవోన్మేష

నవరస పోష దశ దిశ విఖ్యాత

లంబోదర హేరంబా సుముఖా  

09-09-2013

రాఖీ||మృతి లేని స్మ్రుతి..||

రాఖీ||మృతి లేని స్మ్రుతి..||

తప్పదింక వీడుకోలు...

తప్పవు ఎడబాటు సెగలు..

వదిలివెళ్ళు..మిత్రమా..జ్ఞాపకాలనైనా

మోసుకెళ్ళు నేస్తమా..తీపి గురుతులైనా..

1.     కలిసి ఉన్న ఇన్నాళ్ళు

విలువ తెలుసు కోలేదు..

మా మధ్యే తిరుగుతున్నా

మహిమను గుర్తించ లేదు

చే..జారి పో..యిన  మణిపూసవే నీవు

కన్నుమూసి తెరిచేలోగా కనుమరుగౌతున్నావు

       వదిలివెళ్ళు..మిత్రమా..జ్ఞాపకాలనైనా

       మోసుకెళ్ళు నేస్తమా..తీపి గురుతులైనా..

2.     పట్టు బట్టి వెంట బడ్డా

మేమూ పట్టించుకోలేదు

ఎగతాళిగ పరిహసించినా

నీ చిరునవ్వు మాయలేదు.

చేయనీయి నేస్తమా మా కన్నీటి సంతకాలు

మన్నించు  మిత్రమా మా పొరపాట్లు తప్పిదాలు

మిగుల్చుమా ..మిత్రమా..అనుభూతుల నైనా

తీసుకెళ్ళు ..నేస్తమా..అనుభవాల నైనా....

13-07-2013http://www.4shared.com/mp3/e30LaDHy/veedukolu_song.html?