నీటి వెతుకులాటలో జాబిలిపై రాకెట్లు
మంచి నీటికటకటలో చచ్చేంతగ ఇక్కట్లు
సంకలోని పాపగతి పట్టించుకోని ప్రభుతా
సందమామ నందుకొంటె  అసలది ప్రగతా

1.మానిని మానానికి ఎక్కడుంది భద్రత
నడపడానికైతే స్కూటీల బహుమతా
ప్రపంచకప్పుకై చెప్పరాని తహతహ
గంజి కైన నోచుకోని నిరుపేద దేశప్రజ

2.చలువరాతి భవంతికై ..ఉన్నవేమొ కూల్చుడట
నిలువనీడలేనివారి వ్యధకుఎపుడొ  ఊరట
విశ్వనగర గగనాల రైళ్ళరాకపోకలట
రాదారుల గుంతల చింతలింక వీడవట

3.అడుగడుగున మద్యమింక చోద్యమే ఇట
తాగుబోతు చోదకుల భరతం పట్టుడట
అన్నపూర్ణ పథకాల ఆడంబరాలట
అన్నదాత గోడేమో అరణ్యరోదనమిట