రచన,స్వరకల్పన&గానం:డా.రాఖీ
రాగం:హిందోళం

ఏ విధి పొగడనే పలుకులబోడి
పొందనిదేదమ్మ నిను మదివేడి
పొడిబారనీకు పొరబడి ఎదతడి
పబ్బతులిడెదనె నే సాగిలబడి

1.అడుగేయనీకు ఎపుడూ తడబడి
మాటజారనీకమ్మా మతిచెడి పదపడి
చేసితినమ్మా నా గుండె నీ గుడి
కొలువుదీరవమ్మా కడదాక తిరపడి

2.అచ్చరపడు రీతి అచ్చరాలు కూర్చనీ
ఎడదలు మురియగ పదములు సాగనీ
నా కవనమంతా పలు వన్నెలు పూయనీ
నా కైతలలో  నీ తలపులె నిలువనీ