https://youtu.be/NIGVSlAiF3g?si=B8Synu62_iCfLTh-

రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం: హంసధ్వని

విఘ్నాధిపతివి కదా వినాయకా
నిమగ్నవని నా 'కుమతికి' పగ్గము వేయరా 
సంకటహర గణపతీ అభీష్టదాయకా
నా ప్రగతి బాట కంటకములు కడతేర్చరా
అన్యధా నాస్తి శరణాగతి నీయరా
నిను వినా వేడనైతి వేగమె కరుణించరా

1.తొలుత నిన్ను తలువకుంటె తప్పదు ఆటంకము
నిను పూజించకుండ సఫలమవదు కార్యము
ఇష్టదైవ మీవేయని స్పష్టపరచినానయ్యా
కష్టాలను తీర్చిమమ్ము గట్టెక్కించవయ్య
అన్యధా నాస్తి శరణాగతి నీయరా
నిను వినా వేడనైతి వేగమె కరుణించరా

2.చిన్ననాటినుండి నిన్ను నమ్మికొలిచినానయ్యా
ఎన్నడైనగాని స్వామి కోరినదొసగితివయ్యా
మన్నించర మహాకాయ నా పొరపాట్లను
పరిమార్చర ప్రమధనాథ నా ఇక్కట్లను
అన్యధా నాస్తి శరణాగతి నీయరా
నిను వినా వేడనైతి వేగమె కరుణించరా