బ్రహ్మ భువికి రాలేకా అమ్మను పంపాడు
ప్రేమనంత రంగరించి అమ్మద్వార వొంపాడు
సృష్టికే మూలంగా అమ్మని మలిచాడు
అమ్మ ప్రేమకోసమే జన్మలెన్నొ ఎత్తాడు

1.రెండు భిన్న కణాలతో గమ్మత్తే చేసాడు
తొమ్మిది మాసాలూ ప్రేగుతొ ముడివేసాడు
ఊపిరిలో ఊపిరిగా అమ్మతొ జతచేసాడు
దేహాత్మ భావనగా పుట్టుకనేర్పరచాడు

2.శిశువుగ ఉద్భవించ అమ్మ ఒడిలొ వేసాడు
స్తన్యమునే అమృతముని గ్రోలగ చేసాడు
బ్రతుకునేర్పు గురువుగా అమ్మను మార్చాడు
సాటిలేని అనుబంధం అమ్మతో కూర్చాడు