రచన,స్వరకల్పన&గానం :డా.రాఖీ

చిగురుటాకూ కదలమాకూ కీచురాయీ ఈలనాపూ
చందమామా తప్పుకో ఇక మబ్బుచాటుకూ
చీమభామా నీవు సైతం చిటుకు మనకూ
చిన్నారి కన్నయ్యా నిదురపోయేనూ
నా జోల పాటకూ ఈ లాలి పాటకూ
లాలీజో లాలీజో లాలిలాలి లాలీజో

1.ఆటలాడీ అలసిపోయెను చల్లగాలీ వీచాలీ
పాలుతాగక గోల చేసెను నీవే బుజ్జగించాలీ
కిర్రుమనకే ఊయలమ్మా నిదురలోకి జారసాగే
జారిపడకే కొయ్యబొమ్మా ఉలికిపడుతూ బెదరసాగే
లాలీజో లాలీజో లాలిలాలి లాలీజో

2.వంత పాడగ చింత పడకుర పాటలన్నీ నేర్పుతానుర
వీడిపోదను భీతి వీడర హత్తుకొని నిన్నూరడింతుర
కలవరించకు కన్నయ్యా కలత నిదుర ఏలయ్యా
బంగారూ కలలు కంటూ విహరించి రారా విశ్వవీథుల
లాలీజో లాలీజో లాలిలాలి లాలీజో