రచన,స్వరకల్పన&గానం:డా.రాఖీ

రాగం:హిందోళం

రేపంటూ ఒకటుంది
చీకటులకు సెలవంది
చిగురించును వసంతాలు
ప్రభవించును జీవితాలు

1.ఒంటరినని ఇపుడెంచక
దిగులేల ఏకాంతమనుభవించక
ఆత్మీయుల నడుమన కదలక
గడపడం వరమే ఇంచుక

2.అరచేతి స్వర్గం వదలక
అంబరాన ఉందని భావించక
బలపడు బంధం ప్రేమ దీపిక
కాపురాన కరువిక అరమరిక

3.శుచీ శుభ్రత శుభసూచిక
కల్మష రహిత మలయవీచిక
శతమానం భవతి ఆయువిక
అంతామన మంచికె గనక