ఇంత చెప్పినా ఎరుగవైతివా-నా ప్రేమ సంగతీ
తెలిసికూడ తెలియనట్టుగా-నటిస్తే ఎలా నా పరిస్థితీ
ఐ లవ్యూ అన్నమాట బూతుకాదుగా
ప్రేమతెలుపడంలో ఏ రోత లేదుగా
మానెయ్యీ మనసుకు ముసుగెయ్యడం
కానియ్యి పారదర్శకం -ఎందుకు దాచెయ్యడం

1.పున్నమి వెన్నెలను ఆస్వాదించరా
మలయ సమీరాన హాయి పొందరా
జలపాతధారలెపుడు మదికి ఆహ్లాదమే
ప్రకృతి పచ్చదనం నయనానందకరమె
కోల్పోక సైతం అభిందించవచ్చు
మనోగతం తెలుపుతూ మన్నన సేయవచ్చు

2.బిడియపడితె భావాలు ఎలావ్యక్తపర్చగలరు
మొహమాటాలతో ఎలా స్వేఛ్ఛ పొందగలరు
తటపటాయిస్తుంటే తరుణం మించిపోదా
భాష చాలదనుకుంటే మార్గమేదొ దొరకదా
నువ్వు నువ్వుగా ఉన్నపుడే బ్రతుకునకర్థం
అర్థవంతమైన కాన్క అర్థమనుటె పరమార్థం