OK

మాట్లాడుమా ప్రియా అక్షరాలబాటలో
పలుకరించవే చెలీ పదాల పూలతోటలో
మధువును గ్రోలే మధుపం ఈర్ష్యపడేలా
సీతాకోకచిలుకే అలకతొ అంగలార్చేలా
పచ్చని పచ్చికబయళ్ళే తివాచీలు పరుచగా
అచ్చిక బుచ్చికలాడుతూ నన్నే అలరించగా

1.ఉద్యానవనమందు అందించు వలపులవిందు
వడ్డించవే వగలన్ని రంగరించి సొగసంతకుమ్మరించి
కొసరికొసరి తినిపించు మిసమిసలా పరువాలు
తాంబూలాన్ని మరిపిస్తూ అందించు అధరాలు

2.పవనాన్ని బ్రతిమాలి వీయమను శీతలాన్ని
ఎండవేడి నీడనీయ వేడిచూడు రసాతలాన్ని
నీ ఒడినే పడకగ మార్చి పవళింపనీయవె నన్ను
కలబడిన బడలికనే తీరిపోగ కునుకనిమ్ము