రచన,స్వరకల్పన&గానం:డా.రాఖీ
అప్పులను ఎగ్గొట్టేవాళ్ళు కొందరు
మందిని నిండా ముంచేదింకొందరు
ఇవ్వననీ అనక ఎంతకు ఇవ్వకా
తప్పించుక తిరిగే టైంపాస్ గాళ్ళు కొందరు
మోసగాళ్ళు దగాకోరులు వంచించే నీచులు
దొరికినకాడికి బరుకుతారు ఈ బడాచోరులు
1.మోచేయినాకిస్తారు అరచేత బెల్లం చూపి
కోటలెన్నొ కడుతుంటారు మాటలు నేర్చి
నమ్మబలకడంలో ఆరితేరి ఉంటారు
కల్లబొల్లి కబురులతో బుట్టలో పడవేస్తారు
మోసగాళ్ళు దగాకోరులు వంచించే నీచులు
దొరికినకాడికి బరుకుతారు ఈ బడాచోరులు
2. ఉడాయిస్తారు ఏరాత్రో ముల్లేమూట సర్దుకొని
బినామీల పాల్జేస్తారు దివాళాకోరైనామని
చిన్నపాటి ఆస్తులుంటే బాధితులకు పంచేస్తారు
సిగ్గుఎగ్గులేకుండా ఎంతకైనా తెగబడతారు
మోసగాళ్ళు దగాకోరులు వంచించే నీచులు
దొరికినకాడికి బరుకుతారు ఈ బడాచోరులు
No comments:
Post a Comment