రచన,స్వరకల్పన&గానం:డా.రాఖీ
కరువాయే మనకు మాటలే
బద్ధకించె ప్రకటించగ అక్షరాలే
కొఱతాయే కొద్ది క్షణాలే
బరువాయే ఎద స్పందనే
ఆసరాగా మారే ఎమోజీ గుర్తులే
ఆలంబన చేకూర్చే గ్రాఫిక్కుల పిక్కులే
1.సామాజిక మాధ్యమాలె వేదికాయే
టైపింగ్ చేయగా వేళ్ళకే నోళ్ళాయే
మది కదిలించినా భావన మూగవోయె
ఉద్వేగం చెందినా భాష ఊతకాదాయే
ఆసరాగా మారే ఎమోజీ గుర్తులే
ఆలంబన చేకూర్చే గ్రాఫిక్కుల పిక్కులే
2.మొక్కుబడిగ చేసేటి లైక్ లు
మొహమాటం కొద్దీ వ్యాఖ్యలు
మోతభారమయ్యే ట్యాగ్ లు షేరింగ్ లు
వితండవాదాల విద్వత్సభలు
ఆసరాగా మారే ఎమోజీ గుర్తులే
ఆలంబన చేకూర్చే గ్రాఫిక్కుల పిక్కులే
No comments:
Post a Comment