రచన,స్వరకల్పన&గానం:డా.రాఖీ

పదాలకెంత ఉత్సుకత

నీ అందాలు ప్రస్తుతించ

పెదాలకెంత ఆతురత

నీ అధరామృతం ఆస్వాదించ

చెలీ నువులేక జగమంత శూన్యమే

చెలీ నువువినా బ్రతుకెంత దైన్యమే

1.శ్రీగంధకలప తోనే చెక్కాను కలము చెక్కణాల

కస్తూరి పరిమళాలే కలిపాను సిరా గుభాళింపగ

ఎదలోని అపురూప భావ సంచయం క్రోడీకరించా

సృష్టిలో నీకు నీవె సాటియనగ అపూర్వంగ ప్రవచించా

చెలీ నిను పొగడక కవనం శూన్యమే

చెలీ నిను పొందక జీవనం దైన్యమే

2.క్షీరసాగరం లోని పాలరుచి బాగాతెలుసు

రేపల్లె గొల్లవాడలో వెన్నకమ్మదనమూ ఎరుకే

తేనెపట్టులోని మధువుతీయదనం అనుభవమే

నీచుంబన రసమే పాలువెన్నతేనెల సంగమమే

చెలీ నీ కలయిక  రసరమ్యమే

చెలీ నీ ఎడబాటిక  విషతుల్యమే