రచన,స్వరకల్పన&గానం:డా.రాఖీ

ప్రేమించిందా రమణి రాధిక

కోపించిందా కలికి కాళిక

జీవితాలు వెలిగించే దివ్య దీపిక

మగవాడి మనుగడకు స్ఫూర్తిదాయక

1.మనసైన రాముడికి మలయవీచిక

దశకంఠ దనుజులకు అందని మరీచిక

జ్వాలనే శీతల పరిచే శీల సూచిక

తరతరాల తరింపజేసే ఆదర్శ సంచిక

2.కాలానికి కట్టుబడింది పంచభతృక

పరాభవం సైచింది నిండైన ఓపిక

పంతమే పూనింది యజ్ఞపుత్రిక

కురుక్షేత్ర రణానికి ప్రారంభ గీతిక

చిత్రాలు: Sri. Agacharya Artist