రచన,స్వరకల్పన&గానం:డా.రాఖీ
నీదీ నాదీ ఒకటే భావం
నీకూనాకూ ఎపుడూ స్నేహం
అనుభవాలు కూర్చాయి అనుబంధం
అనుభూతులు చల్లాయి మైత్రీగంధం
1.నింగీనేలా గాలీనీరూ మనకొకటే తీరు
వేసవి వేడి జాబిలి వెన్నెలా మనపై సమంగ జారు
భరించారు ఒకేలా మీ అమ్మా మా అమ్మా ప్రసవ వేదన
ఊపిరి శ్రుతిగా లబ్ డబ్ లయగా మనం బ్రతుకు పాట సాధన
2.మనసు నీదిగా మాటనాదిగా నా కవిత
గీతం నాదైనా నీ ఎదలోనిదే నా భావుకత
ఇనుమునైన నన్ను పసిడిగ మార్చే పరసువేది నీవు
నిమిత్తమాత్ర పాత్ర నేనై నీవే ఆవాహనమైనావు
No comments:
Post a Comment