https://youtu.be/dZHTyZgNwYA
రచన,స్వరకల్పన&గానం:డా.రాఖీ
చంద్రశేఖరా హరా భవహరా
పురహరా గంగాధరా పరాత్పరా
నందివాహనా భవా సాంబశివా
శంభో త్రయంబకా మహాదేవా
బ్రహ్మాది దేవతలు దితి సుత తతులు
దేవ దానవ మానవులంతా నీ దాసులు
ఓం నమః శివాయ ఓం నమః శివాయ
1.కమలలోచనుడు కమలనాభుడు
కమలాలయ శ్రీ కాంతుడు నీ భక్తుడు
సహస్రకమలాల కరకమలాలతొ
పూజించెను నిను శ్రద్ధాసక్తులతో
బ్రహ్మాది దేవతలు దితి సుత తతులు
దేవ దానవ మానవులంతా నీ దాసులు
ఓం నమః శివాయ ఓం నమః శివాయ
2. భక్త గజాసుర భస్మాసురులు
రావణాసురుడు బాణాసురుడు
అర్జునుడు భక్త మార్కండేయుడు
శ్రీ కాళ హస్త్యాదులు కన్నప్ప తిన్నడు
బ్రహ్మాది దేవతలు దితి సుత తతులు
దేవ దానవ మానవులంతా నీ దాసులు
ఓం నమః శివాయ ఓం నమః శివాయ
No comments:
Post a Comment