రచన,స్వరకల్పన&గానం:డా.రాఖీ

చూస్తేనే నోరూరుతోంది ప్రేయసీ నిన్ను

ఆస్వాదిస్తేనే ఆర్తి తీరుతుంది నను నమ్ము

ఎంత వింత దాహమో ఎనలేని ఈ ప్రేమది

ఎంత వింత మోహమో ఓపకుంది నా మది

1.సింగారించకుంటేనేం సహజాతం నీ అందం

పన్నీరు జల్లకున్నా పరిమళించు అంగాగం

సంసిధ్ధమే సదా నీ దేహం మన్మథ రంగం

నిత్య యుద్ధమే కదా పడకటింటి వీరంగం

2.తలవాల్చ భాగ్యమే నీ నడుము వంపులో

చుంబించ సౌఖ్యమే నీ నాభి సీమలో

గ్రోలడమే ఒక వరము నీ అధర సుధలన్నీ

కవగొనడమె ఒక యోగం నీ దివ్య నిధులన్నీ