రచన,స్వరకల్పన&గానం:డా.రాఖీ
చెరిపివేసావా నా గురుతులని నీ మనో ఫలకం నుండి
బూది చేసావా అనుభూతులని నీ హృదయం మండి
శిథిలం కానిస్తానా మారిపోతే శిలగా
శిల్పినై తీర్చిదిద్దనా అపురూప శిల్పంగా
1.నా పాట నిన్నెపుడూ వెంటాడుతుంది
నా పలుకు నీ ఎదనెపుడూ కుదిపివేస్తుంది
అంత తేలికనుకున్నావా నా నుండి పారిపోవడం
ఎంత దూరమున్నాగాని కల్లయే వదులుకోవడం
ఊరుకోలేను ఉరివేసినా గాని
మారిపోలేను ఊచకోతకైనా గాని
2.నీ అందచందాలు ఎపుడైన నేనెంచానా
నీవైన ఆనందాలు ఎన్నడైన కాదన్నానా
నీపు పంచిన ప్రేమతోనే తలమునకలైనాను
అనురాగం నువు కురిపించగ తడిసిముద్దైనాను
ఈ జన్మకేనా మరుజన్మలొ వేధిస్తా
ఎంతగా కాదన్నా దేవతగా ఆరాధిస్తా
No comments:
Post a Comment