రచన,స్వరకల్పన&గానం:డా.రాఖీ
ఒడి బియ్యము పోతుమే-మా ఇంటి మా ఆడపడుచుకి
ఒడిని నింపి వేతుమే-మా కంటికే ఇంపైన రుచికి
మా ఇంటి మాలక్ష్మికి తోబుట్టువైన మా కల్పవల్లికి
చీరసారెలనిచ్చి సత్కరించేము
నిండైన దీవెనలు దండిగా ఇచ్చేము
1.అష్టైశ్వర్యములు బడసి వర్ధిల్లగా
అత్తింటి పుట్టింటి కీర్తి పెంపొందగా
దాంపత్య జీవితము అన్యోన్యమై సాగ
పిల్లాపాపలతొ మీ వంశాభివృద్ధికాగా
చీరసారెలనిచ్చి సత్కరించేము
నిండైన దీవెనలు దండిగా ఇచ్చేము
2.మమతానురాగాలె పసుపుకుంకాలు
ఒద్దికా ఓపికలే పుట్టింటి కానుకలు
ఆదరణ అణకువలు తరగనీ సంపదలు
సంస్కృతీ సాంప్రదాయలే తగిన ఆభరణాలు
చీరసారెలనిచ్చి సత్కరించేము
నిండైన దీవెనలు దండిగా ఇచ్చేము
No comments:
Post a Comment