సింగారాల శ్రీనివాసా

వైభోగాల వేంకటేశా

ఎన్నినోళ్ళపొగడుదు నీ వైభవం

ఎంతని చాటను నీ ప్రాభవం

తిరుపతి బాలాజీ గోవిందా గోవిందా

తిరుమల గిరి విరాజి పాహిముకుందా

1.ఎంతకూ తీరిపోని నీ పెళ్ళి అప్పులు

భక్తుల ఆర్జీలు తీర్చ నీకెన్ని తిప్పలు

సతులిరువురు సాధించే ఒప్పుల కుప్పలు

ఎన్నని కొనియాడుదు స్వామీ నీ గొప్పలు

తిరుపతి బాలాజీ గోవిందా గోవిందా

తిరుమల గిరి విరాజి పాహిముకుందా

2.ఏడుకొండలెక్కితేమి ఎరిగిరార తిరువళ్ళు

మెక్కుబళ్ళుతీర్చుకోను కొట్టింతురు గుళ్ళు

రెప్పపాటులోన దాటు బంగారు వాకిళ్ళు

అనిమేషులౌదురట మూయక రెండుకళ్ళు

తిరుపతి బాలాజీ గోవిందా గోవిందా

తిరుమల గిరి విరాజి పాహిముకుందా