రచన,స్వరకల్పన&గానం:డా.రాఖీ

రాసుకపూసుక తిరిగేద్దామా

అచ్చిక బుచ్చికలాడేద్దామా

మనసు కవితలెన్నో రాసేద్దామా

మమత గంధమంతా పూసేద్దామా

1.భావానికి మాటలల్లి పాటలే కట్టేద్దాం

అనుభవాల తోటలన్ని హాయిగా చుట్టేద్దాం

నీ చూపులు నాకు సుప్రభాతమైపోగా

నీ చేరువలోనా వసంతమే తోచగా

2.పదాలనే అందెలుచేసి మంజుల సడి పలికిద్దాం

పెదాలనే పువ్వులుచేసి నవ్వుల జడి కురిపిద్దాం

నీ కలకలమే  నన్ను వెన్నుతట్టగా

నీ చెలిమి బలమే నా ప్రగతికి మెట్టుగా