రచన,స్వరకల్పన&గానం:డా.రాఖీ

ఎప్పుడెగిరిపోతుందో అహమను హంస

ఐక్యమొందింతువెపుడొ ఓ పరమహంస

దైహిక భావనయే నాకెంతటి హింస

చివికిపోయెనిది ఇంక వదిలించర సర్వేశా

1.తప్పవాయె తనువుకు శీతోష్ణ స్పందనలు

మిక్కిలాయే ఈ మేనుకు సుఖదుఃఖ భావనలు

చిక్కిపోతి చిక్కులబడి కాయముతో ముడివడి

వేడుకొందు చేదుకొనగ నీ కడ సాగిలబడి

2.తెగత్రెంచినాగాని తగులుకొనే బంధాలు

విదిలించినాగాని అతుక్కునే బాధ్యతలు

అంతన్నదిలేదాయే ఎంతనీ ఎంతకనీ జంజాటం

సచ్చిదానంద మొసగు తీరగ నా ఆరాటం