రచన,స్వరకల్పన&గానం:డా.రాఖీ
తరగని గని ప్రియా నీ అందం
నవరత్నాలకు అది భాండారం
నా వెంటే నీవుంటే జీవితాంతం
కొదవనేది ఉండనే ఉండదు సాంతం
1.ఇంద్రనీల మణులే కనులు
కెంపులు నీ ఇంపైన చెంపలు
పగడాలే అరుణాధరాలు
పలువరుసే ముత్యాల పేరు
పలుకుల్లో రతనాలు రాలు
2.వజ్రమే కమనీయ కంఠము
మరకతమే బిగుతు పేరణము
పుష్యరాగమే నీ కౌశేయము
గోమేధికమే నీ మధ్యవృత్తము
వైఢూర్యమే ప్రియా నీ మేనిఛాయ
No comments:
Post a Comment