రచన,స్వరకల్పన&గానం:డా.రాఖీ

అనురాగమే పొడసూపనీ  శుభోదయం

అనుబంధమే పెనవేయనీ శుభోదయం

అనుభూతులే మధురమవనీ శుభోదయం

అనుకూలమై ఇక కాలమే చెలఁగనీ శుభోదయం

1.అనుమతించనీ ఎద ఎద మైత్రినీ శుభోదయం

అనుసరించనీ సాంప్రదాయలనీ శుభోదయం

అనుకరించనీ పురుషోత్తములని శుభోదయం

అనుగ్రహించనీ ఆ దైవమే మనని శుభోదయం

2.అనుయోగమే కొనసాగనీ నెగ్గేదాకా శుభోదయం

అనుమానమే వసివాడనీ కడదాకా శుభోదయం

అనునయమే సమకూరనీ వెతలందునా శుభోదయం

అనుస్మృతులే రంజింపనీ హృదయాలనే శుభోదయం