https://youtu.be/mUD-pKKx5us?si=NqEA22i3ftJZaoOa

కనుల ప్రమిదల కరుణ దీప్తుల వెలిగించు

హృదయమందున మమత చమురును నించు

మనిషి మనిషిలొ బాంధవ్య కాంతులను కాంచు

పరిసరాలలొ పరికించి చూచి పరవశించు

అనుదినం ఈ లోకమంతా దీపావళి భాసించు

1.బోసినవ్వుల పాపలు

విరజిమ్ము రుచులు మతాబులు

పసిడి పసి పలుకులందు

చిటచిటల పేలు టపాసులు

పరిసరాలలొ పరికించి చూచి పరవశించు

అనుదినం ఈ లోకమంతా దీపావళి భాసించు

2.అర్ధాంగి శ్రమని గుర్తిస్తె చాలు

ఆలి ఎద ఎగసేను చిచ్చుబుడ్డీగా

పత్నికందిస్తేనో కాసిన్ని ప్రశంసలు

ఇల్లాలి కన్నుల్లో పూసేను వెన్నెల తీగలు

పరిసరాలలొ పరికించి చూచి పరవశించు

అనుదినం ఈ లోకమంతా దీపావళి భాసించు