https://youtu.be/hqe2Rb3k0WA?si=vRlF_Xw4SDvGxByI

కనకమహాలక్ష్మి కాలి అందియల లయ

జ్ఞానభారతి కఛ్ఛపి వీణియ శ్రుతి కలయ

ఆదిపరాశక్తి ఖడ్గ కాంతులు వెలయ

కావాలి మీ గృహమే కోటి కాంతుల నిలయ

బంధు మిత్రులారా అందుకోండి దీపావళి శుభాకాంక్షలు

కీర్తీ సుఖ సంపదలే  వరమీయాలి 'మా' 'క్షేమ' భాషా లక్ష్ములు

1.ప్రియమగు వాక్కులే  రసనలు పలికేలా

హితమగు యోచనలే  మేధలు చిలికేలా

జనరంజకమౌ సాహితీ సంగీతములొలికేలా

వర్షించాలి శ్రీవాణి కరుణాదృక్కులే నిలువెల్లా

బంధు మిత్రులారా అందుకోండి దీపావళి శుభాకాంక్షలు

కీర్తీ సుఖ సంపదలే  వరమీయాలి 'మా' 'క్షేమ' భాషా లక్ష్ములు

2.నరదృష్టి దోషాలనన్నటినీ పరిమార్చగా

శత్రు పీడ నీడ కూడ సమూలంగ తీర్చగా

ఆయురారోగ్యాలే సర్వదా సమకూర్చగా

రక్షించాలి భగవతి నిత్య శోకాల నోకార్చగా

బంధు మిత్రులారా అందుకోండి దీపావళి శుభాకాంక్షలు

కీర్తీ సుఖ సంపదలే  వరమీయాలి 'మా' 'క్షేమ' భాషా లక్ష్ములు

3.పరుల నడుగ చేయిసాచు గతి ద్రోయక

ఋణము కోరు తరుణమెపుడు రానీయక

అవసరాలు తీరునటుల సొమ్ముల నొసగగ

అనుగ్రహించాలి సిరియే సంతృప్తి మీరగ

బంధు మిత్రులారా అందుకోండి దీపావళి శుభాకాంక్షలు

కీర్తీ సుఖ సంపదలే  వరమీయాలి 'మా' 'క్షేమ' భాషా లక్ష్ములు