రచన,స్వరకల్పన&గానం:డా.రాఖీ
అరుణ రాగాలు సందడి చేసే
విరులు విప్పారి వన్నెలు పూసే
ఝరుల అలల నురగ లెగసే
మరులు గొన్న నా మది మురిసే
1.పంచదార పలుకులే పరవశింప జేసే
మధుర దరహాసాలే మాయలొ ముంచేసే
కలకోయిల స్వనమంటి గాత్రమే మంత్రమేసే
కలహంస నిర్ణయమల్లే నాతో మైత్రి చేసే
2.రూపమపూర్వ సౌందర్యమై మెరిసే
మనసే అనన్యమౌ సౌహార్ద్రతే కురిసే
సభ్యతా సంస్కృతీ కలిసి అడుగులేసే
ఆత్మీయతే వెన్నెలై నెలపొడుగూ కాసే
No comments:
Post a Comment