రచన,స్వరకల్పన&గానం:డా.రాఖీ
బద్దకించే చిన్నముల్లువి నువ్వు
సుద్దులాడే పెద్దముల్లుని నేను
మన జీవితమే చెలీ గోడ గడియారం
నాకు పయనమెంతో దూరం
నీకు అడుగు కదపడమే భారం
1.సూర్యకాంతి పువ్వులా నీవైపు నాచూపు
చంద్రగోళమల్లె నీ చుట్టు దిరుగుడె పొద్దుమాపు
తుమ్మెదనై చిక్కుబడితి నీ తమ్మికనుల మద్దెన
పట్టొదలక నీ వెంటబడితి ఎంతగ నువు వద్దన్నా
2.గొడుగును నేనై అడుగడుగున తోడుంటా
పదముల నీ పట్టీనై ఘల్ ఘల్లని మ్రోగుతా
సెకనుల ముల్లెక్కించి సుఖములు చూపుతా
కాలమున్నంత కాలం నీ జతగా కడతేరుతా
No comments:
Post a Comment