రచన,స్వరకల్పన&గానం:డా.గొల్లపెల్లి రాంకిషన్ రాఖీ
కట్టెలమోపు నెత్తి నెత్తుకొని
పిల్లా జెల్లా సంక నెట్టుకొని
చేయీ చేయీ చేరి పట్టుకొని
వస్తిమి నర్సయ్య నీ జాత్రకని
ధరంపూరి నర్సయ్యా జాత్రకని
1. గోదాట్లొ సరిగంగతానాలు చేసుకొని
కొబ్బరికాయలు బత్తెరసాలు కొనుక్కొని
బుక్కగులాలు తుల్సి మాలలు చేకొని
నర్సిమ్మసామి గోవిందా అని మొత్తుకొని
వస్తిమి నర్సయ్య నీ గుళ్ళకని
ఏగిరమే నిను జూడ మనసు పడి
2.పుట్టెంటికలూ సామి నీకిచ్చేసి
మొక్కులు ముడుపులు ఇడిపించేసి
పట్టెనామాలు కోరమీసాలు నీకు పెట్టేసి
పట్టుబట్టలు బాసికాలను ముట్టజెప్పేసి
వస్తిమి నర్సయ్య ఈ ఏట నీ లగ్గానికని
సంబురపడ్తిమి సామి లచ్చమ్మతొ నీ పెళ్ళి గని
No comments:
Post a Comment