https://youtu.be/xszbhtdb3WA
రచన,స్వరకల్పన&గానం:డా.గొల్లపెల్లి రాంకిషన్ రాఖీ
మగ్గిన మామిడి పండే నీ సోయగం
గుప్పను సిరి మల్లెచెండు నీ సౌరభం
పరిపక్వమైన నీ పరువం శృంగారనైషధం
విరహాగ్నిన కాలే నాగుండెకు నీవే పరమౌషధం
1.నిండు చంద్రబింబమే ప్రియా నీ వదనం
పండువెన్నెల వర్షించేనది నాపై అనుదినం
మచ్చల జాబిలి తూగదు నెచ్చెలీ నీకుపమానం
పుట్టుమచ్చ తెచ్చేను నీమోముకు మిక్కిలి చక్కదనం
2.నవ్వితే రాలు పారిజాతాలే నీ పెదవంచుల్లో
వెతికినా అగోచరాలు నీ వయారాలు రాయంచల్లో
ముంచేయవే సుధ గ్రోలగా హద్దెరుగని ముద్దుల్లో
బంధించవే సందిట ప్రేయసీ నన్ను సందెపొద్దుల్లో
No comments:
Post a Comment