రచన,స్వరకల్పన&గానం:డా.గొల్లపెల్లి రాంకిషన్ రాఖీ
రాగం:రీతిగౌళ
శాంకరీ శాంభవీ శివాని
భగవతి బార్గవీ భవాని
నతించెద ప్రీతిగా నుతించెద
మతిలో సతతము జపించెద
పరాశక్తి నను పరాకుసేయకు
పరమానందమే వరమీయి నాకు
1.శ్రుతియు స్మృతియు ద్యుతియునీవే
చరాచర గోచరము నీవే అగోచరమునీవే
విశ్వవ్యాపిని విమల హృదయిని
జ్ఞానదాయిని మోక్ష ప్రదాయిని
పరాశక్తి నను పరాకుసేయకు
పరమానందమే వరమీయి నాకు
2.దైహికవాసన దహింపజేయవే
ఐహిక వాంఛల నిక త్రుంచవే
చండ ముండ శమని చాముండేశ్వరి
వైష్ణవి వారాహి అఖిలాండేశ్వరి
పరాశక్తి నను పరాకుసేయకు
పరమానందమే వరమీయి నాకు
No comments:
Post a Comment