సంతోషిమాతవు సంతస సంకేతవు
ధర్మపురీ విలసితవు ఆనందనికేతవు
నీ కృపకోరని వారేరీ నిన్నర్థించని వారేరీ
జయ జయ సంతోషీ మాతా
జయహో సంతోషీమాతా

1.పరమ శివుని గారాల పౌత్రివి నీవు
వరసిద్దిగణపతికి ప్రియ పుత్రికవు
లాభక్షేములకు అనుంగు సహజవు
కారణజన్మురాలివమ్మా సంతోషి నీవు

2.దయగలిగిన హృదయమె నీకావాసము
విచ్చుకున్న పెదవులె రత్నఖచిత ఆసనము
చెదరని దరహాసమె నీ ఆవాహనము
ధవళ గోవు నువు ఊరేగు వాహనము

3.శుక్రవార వ్రతము అభీష్టదాయకం
పులుపు రుచివివర్జనం మూలసూత్రము
షోడషవారాల ఆచరణయె శ్రేష్ఠము
సంతోషము వ్యాప్తిజేయ మాతానీకిష్టము