శిలలోనూ కొలువున్న దేవుడు
మనుషులలో చైతన్యమయీ మనలేడా
మనసుపెట్టి చూడవేల స్నేహితుడా
దైవం లేనితావు  పొందలేవురా

1.బంధాలు కలిగినచో బాధ్యతగా ఉందువు
ఈగవాలనీయకుండ కాపాడుకొందువు
పరులపట్ల పలుచనైన భావము నీకేలరా
జనులంతా జగమంతా సొంతమనుకొ హాయిరా
మనసు పెట్టి చూడవేల స్నేహితుడా
మధురానుభూతుల నెడబాయకురా

2.మూణ్ణాళ్ళ ముచ్చట ఈబ్రతుకురా
వేణ్ణీళ్ళకుచన్నీళ్ళుగ బ్రతకరా
ప్రేమపంచు సాధనయే చేయరా
వసుధైక కుటుంబమపుడె సాధ్యమురా
మనసుపెట్టి మసలవేల స్నేహితుడా
మానవీయ కోణమెపుడు
వీడకురా