నా చిన్నారి ప్రియతమ తనయుడు
చి.హరీష్ భరద్వాజకు పుట్టిన రోజు సందర్భంగా
నాన్నయ్య చిరుకానుక-💐💐💐

ప్రతి మనిషి పుట్టుకకొక-పరమార్థం ఉంటుంది
పదుగురికై మనగలిగితె-అది సార్థకమౌతుంది
ఎరిగి మసలుకొనగలిగిన అంతరార్థము
మన జన్మ ఔతుంది చరితార్థము-
మానవ జన్మ ఔతుంది చరితార్థము
హ్యాపి బర్త్డేటూయూ-విష్యూ హాపీబర్త్డే టూయూ

1.తలవొగ్గని వ్యక్తిత్వం-తలపడే ధీరత్వం
తరువుకున్న త్యాగము-తర్కించే లౌక్యము
అవరోధాలెదురైనా-ఆపని నీ గమనం
ఆటంకాలెన్నున్నా-ఆగని నీ పయనం

గుణపాఠాలెన్నో నేర్చుకొని-జీవన మార్గం చక్కదిద్దుకొని
సాగిపోగలిగావు అవలీలగా-కలనైన తలవవు నువు బేలగా
హ్యాపి బర్త్డేటూయూ-విష్యూ హాపీబర్త్డే టూయూ

2.విధికే ఎదురీది-విషమ పరీక్షలేనెగ్గి
చుట్టుముట్టు సవాళ్ళను-సులువుగా ఛేదించి
ప్రతిక్షణం పురోగతిని పునస్సమీక్షించుకొంటు
ఇరుగుపొరుగునేస్తాలతొ అవగాహనగలిగియుంటు

అందమైన నీనవ్వును అందరితో పంచుకో
జన్మాంతరాలుదాటు అనుబంధం పెంచుకో
హ్యాపి బర్త్డేటూయూ-విష్యూ హాపీబర్త్డే టూయూ