ప్రేమకు ఒక భాష ఉన్నది
అది మనసులు మాట్లాడుకునేది
కనులతొ కనులు
కలిపి లిపిగా
మోవి కలముతో
ఒకింత చిలిపిగా
తెలుప గలగు భావ ప్రకటన
ఎరుకపరచు ఎద నివేదన

1.వర్ణాలే లేనిది వర్ణించలేనిది
పదములు లేనిది నడకలు నేర్చినది
వాక్యాలు లేనిది లౌక్యమే ఎరుగనిది
వ్యక్తిగతమైనది
వ్యకపరచలేనిది
ఎపుడో అప్పుడు
ఎల్లరూ చదివేది
ఏదో ఒక వయసులో
బోధపడిపోయేది

2.సంధులు లేనిది సంధి పొసగ గలిగేది
సమాసాల ఊసులేక సమావేశమయ్యేది
అలంకార ప్రియమైనది
ఆకార రహితమైంది
చందస్సే లేనిది చందనమయమైంది
లేఖలతోమొదలయ్యి
గ్రంథసాంతమయ్యేది
గెలుపోటములలోను
చరితరాయగలిగింది