ధన్యవాదాలు వదాన్య మిత్రులకు..
కృతజ్ఞతలజల్లు ప్రేమ పాత్రులకు
ఎంచలేనివీ మీ అభిమానాలు
వర్ణించ లేనివిమీ గుణగణాలు

1.వెన్నుతట్టు ప్రోత్సాహమె నా విజయ కారణం
భుజంతట్టు ప్రేరణయే నా గెలుపు మర్మం
ఆదర్శమూర్తులైన మీరె స్ఫూర్తిదాయకం
కురిపించే ప్రశంసలే
నా ప్రగతి కారకం

2.జీవితాన ప్రతిమలుపున మీరేకద నాతోడు
అడుగడుగున మీరిచ్చే సూచనలే కాపాడు
నను మరువక తెలిపేరు శుభాభినందనలు
నమస్సులనగ వినా ఏమీయను కానుకలను