దిగంతాల అంచులనే దాటినా
గ్రహగోళాలన్నిటినీ మీటినా
వినబడలేదా నా మొరా
కరుణ మరచినావా ఈశ్వరా

1.ఏమీ పట్టనట్టు ముక్కుమూసుకొంటివా
పిచ్చీలేచినట్టు
బూడ్దిపూసుకొంటివా
అన్నిట ఉన్నానని అంటివా
ఎంతవెదకినా దొరకకుంటివా
ఎందుకీ నంగనాచి వేషాలు
ఏదో పూనినట్టు నాట్యాలు
మహామాయకు నువు లోబడి ఉన్నావో
మము మాయలోన ముంచాలనుకొన్నావో

2.చించుకున్న గొంతు బాధ నెరుగవా
విషము దాచుకోవడం మాతరమా
అవయవాల పట్టుగుట్టు తెలుపవా
పరమయోగివైన నీకసాధ్యమా
తిరోగామిగా నన్ను చేస్తివా
వినోదంగ నన్నుమారుస్తివా
దీనిభావమేమిటో మహేశా
విప్పిచెప్పు మర్మాన్నిక సర్వేశా