రచన,స్వరకల్పన&గానం:డా.రాఖీ

నా ప్రతిగీతం ఒక సుప్రభాతం
నా భావావేశం జోగ్ జలపాతం
జీవధార ప్రవహిస్తుంది
ఆత్మఘోష నినదిస్తుంది
అనవరతం నామనోరథం కవనపథం
నవనవోన్మేషం  నవరసభరితం ఎద ఎదకూ శుభసందేశం

1.ఉపమానాలు ఉత్పేక్షలు నాకు అపేక్షలు
పొంతనలేని ప్రతీకలు పునరుక్తులు నాకుపేక్షలు
అన్నిపాటలు అన్నిపూటలు నాకు విషమ పరీక్షలు
విద్యాబుద్ధులు గేయ సిద్ధులు వాగ్దేవి భిక్షలు

2.ఏ వస్తువు ఎదురైనా నోచేను నా ఆదరణ
ఏ విషయం పలకరించినా చేరున నాఅక్కున
మనోధర్మ మనుసరించి రూపొందును స్వరరచన
అనురాగం రంగరించగా రంజకమౌ నా కీర్తన